Andainas dos pensamentos P 4

Pozo Barrento
3).- Andainas dos pensamentos  P 4

Nº 4

Ábreme os ollos que aínda non nacín,
corre rápido polo camiño que non se sabe
porque aínda non foi construído.
Volve de novo a min,
que o mundo non foi creado,
e quero perderme nos brazos
do teu corpo descoñecido.

Corre rápido pola vida que non existe,
polo cosmos que nunca viches.

Volve de novo á porta da escura sombra xeada,
á gris inexistencia, onde tu só es a noite
e eu, se acaso, o oco inmenso do nada.