Primeiro Chanzo P 12

Pozo Barrento
6).- Primeiro Chanzo  P 12

Poema nº 12

Non me pidas que te espere na metade do camiño da túa vida.

Todo será tempo. Todo espazo. Todo será máis baleiro.

Triste será a estrela que non aluma, triste é o reflexo sen luz

que do opaco espello da alma négase a regalar o seu brillo.

Raio eternizado na dor. Esperanza perdida de vivir de novo

calquera metade de calquera vida. Non me pidas que te espere

na metade dese camiño. De que metade me estás falando.

Da pasada ou da aínda non vivida. Só querer esperar agora.