Primeiro Chanzo P 18

Pozo Barrento
6).- Primeiro Chanzo  P 18

Poema nº 18

Inventeite a diario para acompañarte e non sentir soidade.

Inventei un bico, un aloumiño embriagador nos teus beizos,

na túa pel. Inventeite a diario, carbón aceso no meu corazón.

Inventei un suspiro na alma que calma un ansia,

un anhelo, a paz do meu sosego. Un acougo de paz cotián.   

Inventeite a diario doce e serena, os teus ollos,

luces de seda, aliviando eterno a miña pena.

Inventei unha mirada, amencida na miña cara,

limpa, próxima, posta en ti, no teu ser enteiro.

Inventeite a diario para que espreites os meus soños,

e acariñes o meu corazón, latexando nos meus pensamentos.