Tempo. Sete poemas a Mari P 4

Pozo Barrento
5).- Tempo. Sete poemas a Mari  P 4

Nº 4

Hainos que coleccionan cousas,

uns selos, outras gravatas,

aros de puros, bandeiriñas,

pero eu colecciono bágoas.

Canto tempo, tanto penar

sufrido na bruma escura

da túa ausencia mal levada!

Canto penar, tanto dura,

que a miña alma de estrañar

chora en silencio, calada,
dolorida, sen ti desconsolada!

Non te despidas na miña dor,

que tan depresa transformou

en caos o meu ceo ao teu lado.

Non me abandones sufrindo

no silencio, tamén na frialdade,

nese cerco endurecido do tempo,

redondel sitiado sen piedade,

pensamento rodeado sen remedio.