Versos atopados P 2

Pozo Barrento
2). Versos atopados  P 2

Nº 2

Nin in memoriam, nin ostias,

ti segue camiñando pola saída adiante,

que sei que recoñecerás, é como a entrada!

Vas decatarte de que non verás bandeiriñas,

nin aplausos, nin músicas estridentes.

Asubíos non tes porque. Quen xulga!

Chegaches aquí dun mundo baleiro,

chamado nada, e vas cara á nada,

onde o non existir vai colmarte de felicidade.

Alí non existen perversos, nin envexosos.

Algún día alí atopareite, onde o que se pode ver

é tan grande, que non importa se non te vexo.

Eu falarei mudo contigo e ti poida que fornézasme

de remedios. E que mellor remedio que gozar

dun mundo no que os vivos, verdugos, xamais serán. 

Non tiñas présa, pero agora camiña sosegado.

Mariano, ata que escollamos estrelas no ceo da nada!