Versos atopados P 4

Pozo Barrento
2).- Versos atopados  P 4


Nº 4

Es ti o camiño un millón de veces percorrido.

Es o silencio da quietude, da mudez

o calado berro que no corazón faise voz.

Es ti a pinga de rocío que adherida á alma

refresca o suspiro, en decámetros de amor,

cinta métrica alongada. Es ti a eterna presenza

dunha ausencia na vida, agora e sempre es ferida,

es a caricia intensa non esquecida, xa de volta,

es ti a suave mirada con intensidade namorada.

Es ti o perenne recordo dunha man que se aperta

a outra man que nos salva. Es finalidade no intento,

es tifón en escaleira, chanzo de impulso vivo

que suspirando un ceo queda suspendido. Es así,

como o vento, unha tempestade que firme nos eleva

cara a un posible no tempo. Apagada fogueira fría.

Es ti a nube humana que a diario é observada,

xanela de entrada nun ceo con acceso case incerto.

E unha imaxe de luz cuberta tras as nubes fórmase viva,

faise chama, visión sen fin nun corazón, recordo terco.