Andainas dos pensamentos P 14

Pozo Barrento
3).- Andainas dos pensamentos  P 14

Nº 14

Resérvame un sitio ao teu lado,
lonxe os dous, en silencio,
gritando co corazón.

Flores vermellas na túa boca
pintan de sangue os meus beizos.

Canto sabor! Canta tolemia!
Canto aroma deixou na miña cara
o contacto da túa mirada!

Apareces nos meus pensamentos
montando veloces cabalos,
cravas esporas de prata
sobre o turbo irresistible
dos lombos do teu corcel.

Pasas tan rápida galopando,
que non te fixo na miña mente,
pero síntote porque sufro
a escapada sempre a galope,

nunca esperándome a trote
para pensarte un pouco máis,
e deixar gravado na miña alma,
o teu corpo,
e non os teus cabalos veloces.