Versos atopados P 17

Pozo Barrento
2).- Versos atopados  P 17

Poema nº 17

Apulia, fronte ao mar,

pecho os ollos e corro,

corro polos camiños da alma

e párome en cada recuncho.

Flores vermellas,

verdes tapetes,

azul do mar, eterno novo,

pensando sempre nos meus ontes,

non moi afastados, cheos de caricias,

no sol, na auga atlántica,

na cálida area.

rozamentos de bicos suaves,

que se acougan na escuma,

no frescor amoroso do aire,

nos desexos abertos

das gaivotas da miña mente,

na dolzura do mel

dos meus recordos ancorados en ti.

Será que che quero tanto

que non desapareces nunca

da dinámica dos meus soños,

do desorde aseado da miña vida.

Será que es o único mar

nas praias do meu corazón.