Versos que xurden P 7

De Rabal a Vilarelho
1.- Rabal
b).- Versos que xurden  P 7

Poema nº 7

Outra vez hoxe poida que volva durmirme,
tremores na miña fronte fan temer
que teña medo que ao soñar, se soño,
fantasías pouco ilustres me entristezan.
Espazos libres sen razón pinta o sangue
na miña mente, recuncho da alma, cor vermelho,
salpicando de inquietudes a paz airada.
Horas de angustia, sementan de bombas o ceo
da morada entristecida de tanto deus,
nunca nados, eternamente perdidos
ao espertar os teus ollos, húmida dor agora.
Loitarán por recordar o falso e o real,
e no vento voarán cara o nada
o sufrido e o recordo, e a mirada.