Andainas dos pensamentos P 18

Pozo Barrento
3).- Andainas dos pensamentos  P 18

Nº 18

Vin a morte non só na vida, na vida vin a morte,
a morte cega e inxusta, a cega incultura, a mansedume,
a inxusta submisión, o engano. Vin a morte non só na vida,
en calquera recuncho vin a envexa, nas actitudes fachendosas
vin a morte, na insensatez, na falta de rebeldía vin a morte.

Vin a morte non só na vida, vin a morte na ousadía dispersa,
onde a estulticia vive a morte vin, a falta de ponderación

é un veleno só na vida. Pode chegar só na vida, morrer

a paso longo a autoestima.

Vin a morte na prepotencia, a morte vin na falta de iniciativa,
na fuxida indiferente do orgullo. Vívese morto tan só na vida!