Versos nas horas calmas P 8

De Rabal a Vilarelho
1.- Rabal
d).- Versos nas horas calmas  P 8

Poema nº 8

Foron ás túas mans o primeiro que toquei ó coñecerte

e de verdade que sentín as bolboretas amorosas dos teus dedos.

Foron as túas mans, deseguro, que puxeron un vermello

aveludado nas paredes do meu corazón tremecente.

Tiven soños ó teu lado, doces soños, que acenderon

os esqueiros de miña alma sen queimarme.

Nunca dormín sen acariñar as falanxes dos teus dedos

esquiando pola miña palma de man ata dormirme.

As túas mans tremelexantes acariñaban os recunchos

escondidos entre os poros aledados da miña cara.

Ainda sinto as túas mans facendo estelas de seda

bambeando diante os ollos do meu ser eternamente.